Uffiċjali għolja Ċiniżi u Amerikani għandhom taħditiet 'franki u komprensivi' f'Żurigu

Iċ-Ċina u l-Istati Uniti qablu li jaħdmu flimkien biex ipoġġu r-relazzjonijiet bilaterali tagħhom lura fit-triq it-tajba ta’ żvilupp b’saħħtu u stabbli.

Waqt laqgħa f’Żurigu, id-diplomatiku anzjan Ċiniż Yang Jiechi u l-konsulent Amerikan għas-Sigurtà Nazzjonali Jake Sullivan ittrattaw għadd ta’ kwistjonijiet prijoritarji bejn iż-żewġ naħat, inkluża l-kwistjoni tal-Baħar taċ-Ċina t’Isfel u t-Tajwan.

Stqarrija tal-Ministeru tal-Affarijiet Barranin Ċiniż tgħid li ż-żewġ naħat qablu li jieħdu passi biex jimplimentaw l-ispirtu tas-sejħa tal-10 ta’ Settembru bejn iż-żewġ kapijiet ta’ stat, isaħħu l-komunikazzjoni strateġika u jimmaniġġjaw id-differenzi.