Zyrtarë të lartë kinezë dhe amerikanë zhvillojnë bisedime 'të sinqerta dhe gjithëpërfshirëse' në Cyrih

Kina dhe Shtetet e Bashkuara kanë rënë dakord të punojnë së bashku për t'i rikthyer marrëdhëniet e tyre dypalëshe në rrugën e duhur të zhvillimit të shëndetshëm dhe të qëndrueshëm.

Gjatë një takimi në Cyrih, diplomati i lartë kinez Yang Jiechi dhe këshilltari amerikan i Sigurisë Kombëtare Jake Sullivan trajtuan një sërë çështjesh prioritare midis dy palëve, duke përfshirë çështjen e Detit të Kinës Jugore dhe Tajvanit.

Një deklaratë e Ministrisë së Jashtme kineze thotë se të dyja palët ranë dakord të ndërmarrin hapa për të zbatuar frymën e telefonatës së 10 shtatorit midis dy krerëve të shteteve, për të forcuar komunikimin strategjik dhe për të menaxhuar mosmarrëveshjet.